गैंडाकोट ६ पौष गैंडाकोट नगरपालिकामा नेपाल राष्ट्रिय अभिभावक संघ, नगर समितिले शुक्रबार एक पत्र बुझाएकोछ।
नेपाल राष्ट्रिय अभिभावक संघ नवलपुर जिल्ला अध्यक्ष युवराज वाग्लेको नेतृत्वमा गएको प्रतिनिधि मण्डलले शिक्षा शाखा अधिकृत हेमचन्द्र पौडेललाई भेटी पत्र बुझाएको हो । नगर समितिको तर्फबाट कार्यवाहक अध्यक्ष खडक बहादुर आले र जिल्लाको तर्फबाट अध्यक्ष युवराज वाग्लेले पत्र बुझाएका हुन ।
सो प्रतिनिधि मण्डलमा नेपाल राष्ट्रिय अभिभावक संघ नवलपुर जिल्ला उपाध्यक्ष एवं नगर इन्चार्ज लक्ष्मी रसाइली विक र नगर समितिका कार्यवाहक अध्यक्ष खडक बहादुर आले मगरको सहभागिता थियो।
नेपाल राष्ट्रिय अभिभावक संघ विद्यालय तह देखि विश्वविद्यालय तह सम्म अध्ययन गर्ने विद्यार्थीहरुका अभिभावकहरुको संगठित सामाजिक संस्था भएको बताउदै,
गैंडाकोट नगरपालिका भित्र हुने कुनै पनि शैक्षिक गतिविधि वा, शिक्षा क्षेत्र संग सम्बन्धित सबै खाले कार्यक्रममा नेपाल राष्ट्रिय अभिभावक संघको प्रतिनिधित्व गराउनु पर्ने प्रेषित पत्रमा उल्लेख छ।
जिल्ला अध्यक्ष युवराज वाग्ले ले गैंडाकोट नगरपालिकाको शिक्षा समितिमा नेपाल राष्ट्रिय अभिभावक संघको पनिको सदस्यता रहनु पर्ने माग, नगर उपप्रमुख शान्ति कोईराला र शिक्षा शाखा अधिकृत हेमचन्द्र पौडेल समक्ष मौखिक रुपमा पनि राखेका थिए।
अध्यक्ष वाग्लेले नवलपुर जिल्लाको सबै पालिकाहरुमा नेपाल राष्ट्रिय अभिभावक संघको प्रतिनिधित्व रहने र शिक्षा क्षेत्रमा भएका र हुने गरेका सबै क्रियाकलापहरुमा अभिभावक संघको प्रत्यक्ष वा अप्रत्यक्ष निगरानी रहने बताए ।
जिल्ला उपाध्यक्ष एवं नगर इन्चार्ज लक्ष्मी रसाइलीले आफुलाई गैंडाकोट नगरपालिका हेर्ने गरि नगर इन्चार्जको रुपमा खटाएकोले फेरि पनि गैंडाकोट नगरपालिका संग मिलेर काम पाएको मौका मिलेको बताए ।
समय सापेक्ष सर्वसुलभ शिक्षा र जनमुखी गुणस्तरीय शिक्षाको लागि आफु नगर शिक्षा समिति तथा समग्र गैंडाकोट नगरपालिका संग समन्वय र सहकार्यमा काम गर्ने इच्छा रहेको नगर समितिका कार्यवाहक अध्यक्ष खडक बहादुर आले मगरले बताए ।
