गैंडाकोट २८ फाल्गुन । नवलपुर कावासोतीमा ट्रकको ठक्करबाट एक जनाको मृत्यु भएको छ ।
बुटवलबाट नारायणघाट तर्फ जाँदै गरेको बागमती प्रदेश ०३–००१ नम्बरको ट्रकले विपरित दिशामा गुडिरहेको लु ५० प ४७०९ नम्बरको मोटरसाइकललाई कावासोती नगरपालिका ०८ खरकट्टाको जंगलमा ठक्कर दिएको हो । ट्रकको ठक्करबाट धादिङको गंगाजमुना गाउँपालिका वडा नं. ५ घर भई हाल नवलपुरको कावासोती ३ अठ्ठाइस बिगाहा बस्ने २० वर्षीय विश्वामित्र गुरुङ रहेको जिल्ला प्रहरी कार्यालयका प्रहरी निरिक्षक साजन शर्माले जानकारी दिए ।
ट्रकको ठक्करबाट घाइते गुरुङलाई उपचारका लागि जिल्ला अस्पताल डण्डामा लैजाने बित्तिकै चिकित्सकले मृत घोषणा गरेका प्रहरी निरिक्षक शर्माले जानकारी दिए । दुबै सवारी साधान र ट्रक चालकलाई नियन्त्रणमा लिएर अनुसन्धान गरिरहेको प्रहरीले जनाएको छ ।
