बुलिङटार १ चैत । नवलपुरको बुलिङटार गाउँपालिका ६ धासीमा माइक्रो बस दुर्घटना हुँदा ४ जना घाइते भएका छन् ।
कालीगण्डकी करिडोर सडकखण्डमा काठमाण्डौ बाट स्याङ्जतर्फ जाँदै गरेको बा ३ ख ९७९३ नम्बरको माइक्रो बस ब्रेकफेल भाई सडकको बायाँ साइडको नालामा खस्न गइ दुर्घटना भएको हो । माइक्रो बस चालकसहित १७ जना मध्ये ४ जना घाइते भएको नवलपुरका सूचना अधिकारी प्रहरी निरीक्षक साजन शर्माले जानकारी दिए ।
घाइते हुनेमा काठमाण्डौको नागाजुर्न न . पा .९ बस्ने बर्ष ६१ का चूडामणि श्रेष्ठ ,पाल्पाको रामपुर न . पा .७ बस्ने वर्ष ९० का जंग ब श्रेष्ठ ,रामपुर न . पा ४ बस्ने वर्ष ७३ की पबित्रा लम्साल र स्याङ्जाको गल्याङ न. पा . ११ बस्ने ३१ की दीपा बस्याल भट्टराई छन् । उनिहरु सबैको आस्था सामान्य रहेको छ।
घाइते भएका उनीहरुलाई उपचारको लागि पाल्पातर्फ पठाएर अन्य यात्रुहरुलाई अर्को सावरी साधनमा चढाएर गन्तब्य तर्फ पठाइएरको प्रहरी निरिक्षक शर्माले बताए ।
