गैंडाकोट ३१ बैशाख । नारायणी नदीमा बन्ने सिग्नेचर पुलको शिलान्याश प्रधानमन्त्री पुष्पकमल दाहालले नारायणी किनारमा आयोजित कार्यक्रममा गरेका हुन् ।
पूर्व-पश्चिम राजमार्गअन्तर्गत पर्ने उक्त पुलले वाग्मती प्रदेश र गण्डकी प्रदेशलाई जोड्नेछ । शिलान्यास कार्यक्रममा भौतिक पूर्वाधार तथा यातायातमन्त्री रघुवीर महासेठ र भरतपुर महानगरपालिकाकी मेयर रेनु दाहाल लगायत पनि उपस्थित थिए ।
आगामी ३ वर्षभित्र अत्याधुनिक सिग्नेचर पुल निर्माण हुने पुल महाशाखाले जनाएको छ ।
४ सय २० मिटर लम्बाइको सो पुल दुई खम्बे हुनेछ भने चौडाइ १२ मिटर हुनेछ । सो पुलमा साइकल लेन समेत निर्माण हुनेछ ।
पुल निर्माणका लागि कुल १ अर्ब ६८ करोड रुपैयाँ लाग्ने अनुमान छ ।
