काठमाडौं १३ असार । राष्ट्रिय परीक्षा बोर्डले बिहीवार माध्यमिक शिक्षा परीक्षा (SEE) को परीक्षाफल सार्वजनिक गरेको छ।
बोर्डका अनुसार परीक्षामा सहभागी भएकामध्ये झन्डै ४८ प्रतिशत विद्यार्थीले मात्र माथिल्लो तह अर्थात् कक्षा ११ पढ्न पाउने ‘ग्रेड‘ ल्याउन सफल भएका छन्।
बोर्डले सार्वजनिक गरेको नतिजाअनुसार ११ कक्षा पढ्न नपाउने ग्रेड ल्याएका अर्थात् ‘ननग्रेडेड‘ परीक्षार्थीको सङ्ख्या यसपालि ५२ प्रतिशतभन्दा बढी देखिएकोछ।
बोर्डका अधिकारीहरूले नयाँ व्यवस्थाले पास हुने दरमा “केही असर” गरे पनि विद्यार्थीको शिक्षाको गुणस्तरमा भने सुधार हुने बताउँदै आएका थिए।
एसईईमा सहभागी भएका ४,६४,७८५ जनामध्ये ४७.८६ प्रतिशत विद्यार्थी उत्तीर्ण भएको जानकारी दिएका उनीहरुले पुनः ग्रेड वृद्धि परीक्षामा सहभागी हुनुपर्ने छ। बोर्डका अनुसार २२१ जनाको परीक्षा रद्द भएको छ।
