गैँडाकोट १५ भदौ । नेपाल आदिवासी जनजातिको हक अधिकारको विषयमा एक दिने कार्यशाला गोष्ठी गैँडाकोटमा सम्पन्न भएको छ ।
नेपाल आदिवासी जनजाती महासंघ नगर समवन्य परिषद् गैंडाकोट नगर समितिको आयोजनामा विजय विकास स्रोत केन्द्र गैँडाकोट ८ को सभाहलमा जनजाति समुदायका नागरिकलाई सचेतना प्रदान गरिएको हो । आदिवासी जनजातिको हक अधिकारबारे जानकारी गराई सम्पूर्ण गैंडाकोटमा रहेको आदिवासी हरुलाई एक दिने कार्यशाला गोष्ठी गरिएको नेपाल आदिवासी जनजाती महासंघ नगर समवन्य परिषद् गैंडाकोट नगर समितिका अध्यक्ष नर बहादुर थापा (नरेश) ले जानकारी दिनुभयो ।
कार्यक्रमका प्रमुख अतिथि नेता गजेन्द्र आले मगरले हक अधिकारको पक्षमा निरन्तर पैरवी गर्नुपर्ने र विषय उठान गर्नुपर्ने बताउनुभयो । गोष्ठीमा अधिवक्ता शंकर लिम्बूले प्रशिक्षण दिनुभएको हो । कार्यक्रममा नेपालको संविधानमा भएका हक अधिकार के–के छन् भनी प्रस्स्तुतिकारणसँगै छलफल गरिएको थियो । कार्यक्रममा गैँडाकोटका ५० बढी आदिवासी जनजाति समुदायका अगुवाहरुको उपस्थिती रहेको थियो ।
