बुलिङटार २८ भदौ । बुलिङटार गाँउपालिका नवलपरासी अत्रौलीटारमा अस्थायी प्रहरी चौकी उद्घाटन कार्यक्रम सम्पन्न भएको छ ।
बुलिङटार गाउँपालिका अध्यक्ष श्री दीपेन्द्र सुनारी मगरको अध्यक्षता र जिल्ला प्रहरी कार्यालय नवलपुर प्रमुख श्री नरहरी रेग्मी ज्यू को प्रमुख अतिथि , गाँउपालिका उपाध्यक्ष,वडा अध्यक्ष ज्युहरु, बुलिङटार गाउँपालिकामा कार्यरत विभिन्न कर्मचारीहरु ,विभिन्न राजनीतिक दलका नेताहरु र स्थानीयबासीको उपस्थितिमा वडा नं ६ अत्रौलीटारमा स्थापित अत्रौलीटार अस्थायी प्रहरी चौकी उद्घाटन कार्यक्रम सम्पन्न भएको छ।
कालीगण्डकी करिडोर क्षेत्रमा पर्ने यस क्षेत्रमा सुरक्षा को दृष्टिकोणले अति नै आवश्यक पर्ने भएको हुनाले साथै स्थानीय बासीको शान्ति सुरक्षा लाई ध्यान मा राख्दै अस्थाइ प्रहरी चौकी निर्माण गरिएको गाउँपालिका अध्यक्ष श्री दीपेन्द्र सुनारी मगरले जानकारी दिनुभयो ।
उद्घाटन कार्यक्रममा वडा नं ६ का अध्यक्ष मोहन राज पाठकले चौकी निर्माणमा सहयोग गर्नुहुने सबै लाई धन्यबाद ज्ञापन साथै स्वागत मन्तव्य राख्नु भएको थियो । प्रमुख अतिथि श्री नरहरी रेग्मी ज्यूले आगामी दिन मा पनि आफू यस क्षेत्र को शान्ति सुरक्षाको भरपुर सहयोग गर्ने प्रतिबद्धता जनाउनु भएको छ । अस्थाइ प्रहरी चौकी उद्घाटन पछि स्थानीयबासीले अत्यन्तै खुसी व्यक्त गर्नु भएको छ ।
