बुलिङटार ०१ असोज । भारतीपुर-उदयपुर- ढाँसी सडक स्तरउन्नती आयोजनाको शिलन्यास कार्यक्रम सम्पन्न भएको छ ।
नवलपुर क्षेत्र न. १ (ख) बाट निर्वाचित गण्डकी प्रदेश सभा सदस्य (सांसद) तथा गण्डकी प्रदेश सरकारका पूर्व आन्तरिक मामिला तथा कानुन मन्त्री माननिय श्री रोशन बहादुर गाहा मगरको प्रमुख अतिथिमा “भारतीपुर-उदयपुर- ढाँसी” सडक स्तरउन्नती आयोजनाको शिलन्यास कार्यक्रम सम्पन्न भएको छ ।
यस योजनाको लागि माननीय रोशन बहादुर गाहा मगर ज्यूले प्रदेश सरकार अन्तर्गत आ.व.२०८०/२०८१ मा पूर्वाधार विकास कार्यलयबाट रु.५,००,००,००० (अक्षरुपी पाँच करोड रुपैयाँ) बजेट विनियोजन गर्न उल्येखनिय सहयोग गर्नु भएको कुरा स्पष्ट पार्नु भयो । साथै यस क्षेत्रका जनतासँग गरेको बाचा पूरा गर्न प्रतिबद्ध रहेको जानकारी गराउनु भयो । शिलन्यास कार्यक्रमका विशेष अथिति तथा बुलिङटार गाउँपालिका अध्यक्ष दीपेन्द्र सुनारी मगरज्यू ले यस कार्य मा सहयोग गर्ने बिभिन्न राजनितिक दलका नेताहरु तथा सरोकारवाला सबैलाई हार्दिक आभार ब्यक्त गर्नु भयो ।
साथै “बस्न योग्य, हेर्न लायक समृद्ध बुलिङटार”बनाउन आफू प्रतिबद्ध रहेको र यस क्षेत्रकै मुटुको रूपमा रहेको साविक भारतीपुर रिंग रोड को रुपमा रहेको ढाँसी- भारतीपुर हुँदै अत्रौली जोड्ने बाटोको बाँकी कामलाई पूर्णता दिन आफू अग्रपंतिमा रहेर काम गर्ने प्रतिवद्धता पनि व्यक्त गर्नु भयो । कार्यक्रमको अध्यक्षता गर्नु भएका बुलिङटार गाउँपालिका वार्ड नं ६ का अध्यक्ष श्री मोहन राज पाठकले वडा नं ६ को विकास को लागि आफू रात दिन नभनी खटिने प्रतिबद्धता जनाउदै सहयोगी सबै सरोकारवाला निकायहरु आभार ब्यक्त गर्नु भयो ।
स्थानीयवासीको उत्साहजक उपस्थितिमा सम्पन्न भएको शिलन्यास कार्यक्रममा उपस्थित हुने सबैले स्थानीय सरकारले जनताको गुनासो सुनेकोमा खुसी व्यक्त गरेका छन् ।
