बुलिङटार १२ असोज । बिहीबार बेलुका देखि परेको अविरल वर्षाले गर्दा बुलिङटार गाउँपालिकाले गम्भिर ध्यानाकर्षण गरेको छ ।
वार्ड नं २अवस्थित भाङबारी गाउँमा बाढीपहिरो गएको र खहरे खोला वस्तीमा पसेको हुँदा स्थानियबासीहरू त्रसित भएका छन् । उक्त बाढीले पुर्याएको क्षतिमा बुलिङटार गाउँपालिकाले गम्भिर ध्यानाकर्षण गरेको छन् । तत्कालको लागि पालिकाको डोजर उक्त क्षेत्रमा पुगि खोलाको बगर पन्छाउने कार्य भइरहेको गाउँपालिका अध्यक्ष ई दिपेन्द्र सुनारी मगरले जानकारी दिनुभएको छ । साथै उक्त क्षेत्रको उद्धार कार्यमा छिमेकी स्थानियबासीहरु, स्वयम सेवक, युवा क्लव, जनप्रतिनिधिहरु, रेडक्रस,प्रहरी प्रशासन खटिरहेको जानकारी गर्नु भएको छ ।
साथै बुलिङटार गाउँपालिका अन्तरगत कालीगण्डकी करिडोर क्षेत्रमा पर्ने कौडे, काेखे, साँधखोला , मोंचडाडा , तरङ्ग खोला आदि ठाउँमा पहिरो जाँदा बाटो पूर्ण रूपमा बन्द रहेको साथै खहरे खोला लगायत नदिनालाहरूमा पानीको सतह निकै बदिरहेको साथै कमलिकोट,अर्खला, पाङ्ग्रेमा गएको पहिरोले उक्त क्षेत्रको बाटो पनि अवरुद्ध भएकोले यस्तो अवस्थामा सकेसम्म घर बाहिर ननिस्कौ , निस्कनै परे राम्रो संग बुझेर मात्र यात्रा गर्न सुनारीले अनुरोध गर्नु भएको छ ।
मौसम पुर्वानुमान महाशाखाको सूचना अनुसार भोलि दिउँसो सम्म पानी पर्ने सम्भावना भएकाले थप सतर्कता अपनाउन र सुरक्षित ठाउँमा स्थानान्तरण गर्न विनम्र अनुरोध गर्नु भएको छ ।
