नवलपुर १८ असोज । पूर्व–पश्चिम राजमार्ग अन्तर्गत नवलपुरको मध्यविन्दु ८ फूलबारीमा चिनीयाँ ठेकेदार कम्पनीको ग्रेडरमा मोटर साइकल ठोक्किएर एक जनाको मृत्यु भएको छ । अर्का एक जना घाइते भएका छन् ।
चितवनबाट बुटवलतर्फ जादै गरेको लु ३४ प ३०७७ नं. को मोटर साइकल नारायणघाट–बुटबल खण्डको निर्माणाधिन सडकमा चलाइरहेको चिनीयाँ ठेकेदार कम्पनीको ग्रेडरमा ठोक्किएर दुर्घटना भएको प्रहरीले जनाएको छ ।
दुर्घटनामा रुपन्देहीको बुटवल उपमहानगरपालिका ११ देवीनगरका २१ वर्षीय सागर क्षेत्रीको मृत्यु भएको नवलपुरका प्रहरी नायव उपरीक्षक वेदबहादुर पौडेलले जानकारी दिए ।
टाउकोमा चोट लागि गम्भीर घाइते भएका क्षेत्रीको नवलपुर जिल्ला अस्पताल डण्डामा उपचारको क्रममा मृत्यु भएको पौडेलले बताए । मोटर साइकल पछाडी बस्ने सोही ठाउँका २१ वर्षीय राजन अधिकारी घाइते भएका छन् । उनको डण्डामै उपचार भइरहेको प्रहरीको भनाइ छ ।
@ अविरल न्युज
