बुलिङटार २९ असोज । गाउँपालिका अध्यक्ष श्री ई.दीपेन्द्र सुनारीको विशेष पहलमा “असल छिमेकी नेपाल” संस्थाबाट तत्कालको लागि खाद्यन्न र अन्य राहतसामाग्री वितरण गरिएको छ ।
देशभर परेको अविरल वर्षाका कारण खहरे खोला वस्तीमा पस्दा प्रभावित भएको बुलिङटार गाउँपालिका वार्ड नं २ भाङवारीका समुदायलाई विविध कारणलेढिलासुस्ती भएता पनि “असल छिमेकी नेपाल” संस्थाबाट तत्कालको लागि खाद्यन्न र अन्य राहत सामाग्री वितरण गरिएको छ ।
असल छिमेकी नेपाल कार्यक्रम अधिकृत पुरान सोती मगर , गाउँपालिका अध्यक्ष ,वडाअध्यक्षहरू,जनप्रतिनिधिहरु, गाउँपालिकाका कर्मचारी, प्रहरी प्रशासन, विभिन्न राजनीतिक दलका प्रतिनिधिहरू , सञ्चार माध्यमका प्रतिनिधिहरू र स्थानीय बासिन्दाहरू को उपस्थितिमा राहत सामग्री वितरण कार्यक्रम सम्पन्नभएको छ ।
असल छिमेकी नेपाल वि.सं.२०५९ सालमा कास्की जिल्लामा दर्ता भई विगत २१ वर्ष देखि समुदायमा महिलासशक्तिकरण ,जीविकोपार्जन विकास तथास्वास्थ्य प्रवर्धन साथै विपद प्रतिकार्यका क्षेत्रमा नेपाल सरकारको समन्वयमा सेवा पुर्याउँदै आएको संस्था हो ।
राहत सामग्री पाएपछि स्थानीय बासिन्दाहरूले आफ्नो घर र बालीनालीमा वाढीले असर पुर्याएको समयमा दिएको राहत सामग्रीले आफूहरूलाई ठूलो मद्दतपुगेको भन्दै खुसी व्यक्त गर्नुभएको थियो ।
