बुलिङटार १३ कार्तिक । बुलिङटार गाउँपालिकाको विशेष समन्वयमा नेपाल रेडक्रस सोसाइटी बुलिङटार उपशाखाले रक्तदान कार्यक्रम सम्पन्न गरिएको छ ।

गाउँपालिकाको आयोजनामा, बुलिङटार जेसिज(JCI) काे सहकार्य,नवलपुर रक्तसञ्चार सेवा ,नेपाल रेडक्रस सोसाइटी कावासोती उपशाखा को प्राविधिक सहयोगमा सम्पन्न भएको हो ।

बुलिङटार गाउँपालिका वडा न.२ कोटाबाट सदरमुकाम कावासाेती जाँदै गरेको जीप दुर्घटनामा घाइते भएका बिरामीहरुको चितवनको मनकामना हस्पिटल , नारायणी सामुदायिक हस्पिटल , पुरानो मेडिकल कलेज र चितवन मेडिकल कलेजमा उपचार भइरहेको घाइते बिरामीहरूलाई मध्यनजर गर्दै बुलिङटार गाउँपालिका अध्यक्ष दिपेन्द्र सुनारी आफैं रक्तदान कार्यक्रममा उपस्थित भई सहयाेग गर्नु भएको छ ।

बुलिङटार गाउँपालिका अध्यक्ष, उपाध्यक्ष ,वडा अध्यक्षहरू ,अन्य जनप्रतिनिधिहरु, रेडक्रस सोसाइटी बुलिङटार उपशाखा, भारतीपुर उपशाखा,प्रहरी प्रशासन, अन्य संघसंस्थाहरु लगाएत स्थानीय बासिन्दाहरुले रक्तदान गर्नु भएको छ ।

रक्तदान जस्तो पुण्य कार्यक्रममा सरिक भई रक्तदान गर्नु हुने साथै उपस्थित भई सहयोग गर्नुहुने सबैलाई नेपाल रेडक्रस सोसाइटी बुलिङटार उपशाखाका अध्यक्ष र गाँउपालिका अध्यक्षले हार्दिक धन्यवाद व्यक्त गर्नुभयो ।