नवलपुर ०७ पुस । नवलपुरमा पाटे बाघ मारेको अभियोगमा १ जना पक्राउ परेका छन् ।
पाटेबाघ मार्ने उद्योगमा चितवन राष्ट्रिय निकुञ्जले नवलपुर विनयी त्रिवेणी गाउँपालिका–१ का २० वर्षीय अमृत न्यौपानेलाई पक्राउ गरेर आईतबार सार्वजनिक गरेको छ ।
विनयी त्रिवेणी गाउँपालिका–१ मा पर्ने तीनचुली सामुदायिक वनको लक्ष्मीडाँडामा वन्यजन्तुको सिकार गर्न प्रयोग भएको सवारीसाधनको ब्रेकको तार एक थान, केवल लाइनमा प्रयोग हुने तार एक थान र रौं अल्झेको जस्तो देखिने तार एक थान फेला परेसँगै न्यौपानेलाई पक्राउ गरिएको निकुञ्जका संरक्षण अधिकृत एवं सूचना अधिकारी अविनाश थापा मगरले बताए ।
