बुलिङटार १० माघ । बुलिङटारमा ७औँ पालिका स्तरीय राष्ट्रपति रनिङ शिल्ड छनौट प्रतियोगिता -२०८१ हुने भएको छ ।
“स्वास्थ्यका लागि खेलकुद राष्ट्रका लागि खेलकुद” भन्ने मुल नारा सहित यही माघ १३ गतेबाट १५ गते सम्म ३ दिन हुन गइरहेको बुलिङटार गाउँपालिकास्तरीय सातौं राष्ट्रपति रनिङ शिल्ड प्रतियोगिताको खेलमैदान निर्माण कार्य तिब्र रूपमा भईरहेको छ ।
प्रतियोगिता माघ १३,१४ र १५ गते सम्म सञ्चालन हुने गाउँपालिका अध्यक्ष ई.दिपेन्द्र सुनारी मगरले जानकारी दिनुभयो । साथै सातौं राष्ट्रिपति रनिङ शिल्ड प्रतियोगितामा बुलिङटार गाउँपालिका अन्तर्गतका ८ वटा सामुदायिक माध्यमिक विद्यालयहरुको सहभागिता रहने र प्रथम,द्वितीया र तृतीय हुने विद्यालयहरूलाई क्रमस : २० हजार १५ हजार र १० हजार नगद, ट्रर्फी र मेडल पुरूस्कृत गरिने शिक्षा यूवा तथा खेलकुद शाखा प्रमुख बुद्ध प्रसाद रानाभाटले जानकारी दिनुभयो ।
प्रतियोगिता माघ १३ देखि १५ सम्म त्रिभुवन माध्यमिक विद्यालय बुलिङटार -३ नवलपरासी (चन्टार खेलमैदान) मा हुन गईरहेको हो ।
