बुलिङटार १७ माघ । नेकपा (एमाले)गण्डकी प्रदेश कमिटी सदस्य एवम् युवा नेता विद्रोही गिरीले पार्टी नेतृत्व र सरकारले गरेका नमूना योग्य कामलाई जनताका बीचमा लैजाने दायित्व कार्यकर्ताको भएको बताउनु भएको छ ।
नेकपा ( एमाले) बुलिङटार गाउँपालिका वडा नं ३ को वडा कमिटीको बिस्तारित बैठकमा बोल्दै उहाँले उक्त कुरा बताउनु भएको हो । कार्यकर्ताले पार्टीमा छु भै हाल्छ भन्ने होइन पार्टी नीति र कार्यक्रम नागरिकको बीचमा लिएर जाने दायित्व छ भन्ने कुरा भुल्न हुदैन उहाँले भन्नुभयो-” समय गतिशिल छ त्यसलाइ पक्रेर टोल टोलमा जागरण ल्याउनुहोस् समुदायको लिड गर्नुहोस्” ।
बैठकले फागुन १० देखि १९ गते सम्म सबै टोल कमिटिहरूको अधिवेशन सम्पन्न गर्ने, नविकरणको कामलाई तीब्रता दिने निर्णय , लगाएतका पाँच वटा निर्णय गरेको छ । गण्डकी प्रदेश कमिटी सदस्य क. विद्रोही गिरीको प्रमुख आतिथ्यता तथा वडाकमिटि अध्यक्ष क. बिष्णुबहादुर कुमालको अध्यक्षतामा भएको बैठकमा प्रदेश सल्लाहकार क. टंकनाथ गिरी, जिल्ला सचिवालय सदस्य कृष्णबहादुर नेपाली, पालिका कमिटी अध्यक्ष मनवीर पुलामी, पालिका लेखा कमिटीका संयोजक गोपाल प्रसाद भण्डारी लगाएतको आतिथ्यतामा भएको थियो । बैठक वडा कमिटी सचिव सन्ततोषराज नन्दले सञ्चालन गर्नुभएको थियो ।
