बुलिङटार २७ माघ । बुलिङटार गाउँपालिका कृषि शाखाद्वारा आयोजित कृषि विज्ञहरुसँग अन्तरक्रियात्मक कार्यक्रम बुलिङटार गाउँपालिकाका प्रमुख प्रशासकीय अधिकृत श्रीरामचन्द्र भुषालज्यू को अध्यक्षता तथा गाउँपालिका प्रमुख श्री ई. दिपेन्द्र सुनारी मगरज्यूको प्रमुख आतिथ्यतामा सम्पन्न ।
कार्यक्रममा कृषि,भूमि व्यवस्था तथा सहकारी मन्त्रालय, गण्डकी प्रदेशका सचिव बासुदेव रेग्मी ज्यू ,कृषि ज्ञान केन्द्र नवलपुरका प्रमुख कुल प्रसाद तिवारी ज्यूलगायत अन्ने कृषि विज्ञहरूको उपस्थिति थियो । कार्यक्रममा बुलिङटार गाउँपालिकाको समग्र कृषि क्षेत्रको विकास, कृषकले भोग्नु परेका समस्याहरू, प्रदेश, जिल्ला र स्थानीय तहले कृषि क्षेत्रको विकासमा खेल्नु भूमिका आदि विषयमा छलफल तथा अन्तरक्रिया गरियो ।
साथै कृषि ज्ञान केन्द्र नवलपरासी ( ब.सु.पू) को आयोजना र मल तथा माटो परिक्षण प्रयोगशाला पोखराको प्राविधिक सहयोगमा एक दिने माटो परीक्षणशिविर पनि सम्पन्न गरियो । शिविरमा पालिका भित्रका विभिन्न ठाउँको करिव ८५ वटा माटोको नमुना परीक्षण गरिएको थियो ।
