बुलिङटार ४ असोज । नेपाली कांग्रेसको तल्लो तहको अधिवेशन अन्तर्गत नवलपुरको बुलिङटार गाउँपालिका वडा नं. ५ को वडा सभापति पदमा पूर्ण सिंह खण्डालुक मगर सर्वसम्मत साथ निर्वाचित हुनुभएको छ ।
नेपाली कांग्रेसको ‘राष्ट्रियता, लोकतन्त्र र समाजवाद’ को मूल नारालाई आत्मसाथ गर्दै वडा तहमा पार्टी सङ्गठनलाई थप मजबुत, गतिशील र एकीकृत बनाउने सङ्कल्पका साथ उहाँ नेतृत्वमा आउनुभएको हो ।
वडा सभापतिमा निर्वाचित भए पश्चात् स्थानीय नेता, कार्यकर्ता तथा शुभचिन्तकहरूले उहाँलाई बधाई ज्ञापन गर्दै सफल कार्यकालको शुभकामना व्यक्त गरिरहेका छन्।नवनिर्वाचित सभापति मगरले वडामा कांग्रेसको साख उच्च राख्दै आम नागरिकका समस्या समाधान र स्थानीय विकासका काममा पार्टीका तर्फबाट नेतृत्वदायी भूमिका निर्वाह गर्ने प्रतिबद्धता जनाउनुभएको छ ।
