जनकपुरधाम १६ असार । धनुषामा अफन्नु श्रीमती हत्याको आरोपमा श्रीमान् पक्राउ परेका छन् ।
सोमबार राति लक्ष्मिनियाँ गाउँपालिका ४, सपहीकी २३ वर्षीया प्रियङ्का पासवानको हत्याको आरोपमा श्रीमान् सन्तोष पासवानलाई पक्राउ गरिएको हो । माइती पक्षले उजुरी गरेपछि धनुषा प्रहरीले सन्तोषलाई अनुसन्धानको लागि नियन्त्रणमा लिएको प्रहरीले जनाएको छ ।
प्रियङ्काको घाँटीमा डाम देखिएको प्रहरीले जनाएको छ । स्थानीयका अनुसार प्रियङ्का र उनका श्रीमान् सन्तोषबीच गएराति विवाद भएको थियो । विवादकै कारण प्रियङ्काको हत्या वा आत्महत्या भएको हुन सक्ने प्रहरीको आशंका र रिपोर्ट नआउञ्जेल हत्या वा आत्महत्या भएको हो भन्न सकिने छैन ।
