नवलपुर २३ असार । गैंडाकोट नगरपालिका वडा न्न–४ का २१ बर्सिया बिना सापकोटा आठ दिन देखी हराइ रहेको र अत्तोपत्तो केही फेला पार्न सकेका छैनन् ।

असार १४ गते खोजीमा लागेका बुबा जयश्वर कहाँ मात्र पुगेनन् होला ? उनी भन्छन्, ‘मेरो पहुँचले भ्याएको सबै ठाउँ पुगिसकियो, तर अहिलेसम्म छोरीको न लाश भेटियो, न सास ।’ उनकाअनुसार प्रहरी पनि बिनाको खोजीमा जुटिरहेको छ, तर हालसम्म केही फेला पार्न सकेको छैन ।

गैँडाकोट इलाका प्रहरी कार्यालय, चितवन जिल्ला प्रहरी कार्यालय बिनाको खोजीमा जुटेको एक हप्ता भयो । यहँ, केही सुराक पाउन सकेको छैन । ‘बुटवलदेखि पोखरासम्म, काठमाडौँदेखि चितवनसम्म सबै खोजिएको छ’, बुबा जयश्वरले भने, ‘तर हालसम्म केही भेटिएको छैन ।’

कहाँबाट बेपत्ता भइन् बिना ?
गैंडाकोटको जनक कलेजमा बिबिएस तेस्रो वर्षमा पढ्थिन्  । आधा घन्टामै फर्केर आउँछु भन्दै घरबाट निस्केकी हुन् । त्यसपछि उनी अहिलेसम्म घर फर्केकी छैनन् । परिवारका अनुसार भरतपुर– महनगरपलिका-४ यज्ञपुरीका एक युवकसँग उनी पाँच वर्षदेखि प्रेममा थिइन् । बेलायत रहेका युवक यही वैशाखमा घर आएका थिए ।

प्रहरीले जयश्वरले छोरी हराएको विषयमा सुरूमा इलाका प्रहरी कार्यालय गैँडाकोटमा मौखिक र पछि जिल्ला प्रहरी कार्यालय चितवनमा लिखित जाहेरी दिएका थिए।