बुटवल, जेठ १७ । रुपन्देहीको तिलोत्तामा नगरपालिका – १ को कार्यालयमा सेवाग्राहीले तालाबन्दी गरेका छन् । नयाँ जनप्रतिनिधि आएर पनि अत्यावश्यक काम नभएको भन्दै मंगलबार सेवाग्राहीले तालाबन्दी गरेका हुन् ।
वडा अध्यक्ष फसुराम गिरीले आफू पनि कार्यालय नआउने र अरुलाई कार्यवाहकको जिम्मेवारी पनि नदिने गरेको सेवाग्राहीको गुनासो छ । उनलाई पटक पटक फोन गर्दा पनि फोन नउठाउने र फोन काट्ने गरेपछि बाध्य भएर तालाबन्दी गरेको सेवाग्राहीको भनाई छ ।
उक्त वडाको डाईभर टोलमा चौकिल्ला बनाउनका लागी लगातार तीन दिनसम्म जाँदा पनि काम नभएको सेवाग्राही चिरञ्जीवी देवकोटाले बताए । उनले आफू जस्तो धेरै भएको र सबैको सहमतिमा तालाबन्दी गरेको जनाए ।
