चितवन, जेठ १v । पूर्वी चितवनको खैरहनी नगरपालिका–९ सिमलटाँडीमा बुधबार साँझ भारतीय नम्बर प्लेटको कारले ठक्कर दिँदा एक युवकको मृत्यु भएको छ ।
पूर्व पश्चिम राजमार्ग अन्तरगत साँझ ८ः१० बजेको समयमा पूर्वबाट पश्चिमतर्फ आउँदै गरेको JH01DX7739 नम्बरको भारतीय कारले विपरित दिशाबाट आउँदै गरेको बागमती प्रदेश०३–००५ प २६६९ नम्बरको मोटरसाइकललाई ठक्कर दिँदा मोटरसाइकल चालक कालिका नगरपालिका–४ घर भई हाल खैरहनी नगरपालिका–८ बस्दै आएका २१ वर्षीय विश्वास गुरुङ गम्भिर घाईते भएका थिए ।
उनलाई उपचारका लागि पुरानो मेडिकल कलेज भरतपुरमा ल्याईएको थियो । उनको उपचारको क्रममा राति ९ः१६ बजे मृत्यु भएको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिए । घटनापश्चात स्थानीयले राजमार्ग अवरुद्ध पार्दै ठक्कर दिने कारमा तोडफोड गरेका प्रहरीले जनाएको छ । प्रहरीले करिब एक घण्टापछि बाटाे खुलाएकाे थियाे ।
कार चालक भारतको विहार प्रदेश पश्चिमचम्पारण जगदीशपुर–४ वस्ने ३५ वर्षीय आलोक कुमारलाई इलाका प्रहरी कार्यालय खैरहनीको नियन्त्रणमा राखिएको छ ।
