रुपन्देही, जेठ १९ । १४ वर्षीय किशोरीलाई अपहरण गरी सामूहिक बलात्कार गरेको आरोपमा कपिलवस्तु प्रहरीले रुपन्देहीका ६ जना युवालाई पक्राउ गरेको छ ।
पक्राउ पर्नेमा रुपन्देहीको कन्चन गाउँपालिका – ५ का नीरज कार्की, वडा नम्बर ४ का राहुल सिन्जाली, सोही ठाउँका सुलभ केसी, वडा नम्बर ३ का लक्ष्मण रसाइली, अमित कँडेल र सौरभ थापा रहेको छन् ।
जिल्ला प्रहरी कार्यालय कपिलवस्तुका सूचना अधिकारी प्रहरी नायब उपरीक्षक जेसी शाहका अनुसार उनीहरुलाई कपिलवस्तुको बाणगंगाबाट १४ वर्षीया किशोरीको अपहरण गरी रुपन्देहीको कन्चन गाउँपालिका – ४ रुद्रपुरमा ल्याई सामूहिक बलात्कार गरेको आराेपमा पक्राउ गरेको हो ।
प्रहरीका अनुसार स्थानीय बजारमा सांस्कृतिक कार्यक्रम हेर्न पुगेकी किशोरीलाई अपहरण गरी बलात्कार गरेका हुन् । घटनाबारे थप अनुसन्धान भइरहेको प्रहरीले जनाएको छ ।
