विराटनगर, जेठ १९ । प्रहरीले मोरङबाट ४० लाख मूल्य बराबरको अवैध सामानसहित एक भारतीय ट्याक्टर नियन्त्रणमा लिएको छ । जिल्लाको विराटनगर महानगरपालिका – ४ बाट बिआर ४४ जिबी २६२७ नम्बरको ट्याक्टर र सो ट्याक्टरमा रहेको सामान प्रहरीले नियन्त्रणमा लिएको हो ।
ट्याक्टरमा मोटर पार्टस, छाला, नटबल्टु, मेसिन पार्टस कपडालगायतका सामानहरु रहेको र उक्त सामानको मूल्य करिब ४० लाख बराबरको रहेको मोरङ प्रहरीले जनाएको छ । सामान अवैध ढङ्गले राजस्व छलि विराटनगरबाट इटहरीतर्फ लाने तयारी भईरहेको थियो ।
ट्याक्टर चालक भारत अरेरिया जोगवनी १० टिकुलीका ३४ वर्षीय श्याम चौधरीलाई पनि प्रहरीले नियन्त्रणमा लिएको छ । चालकसहित ट्याक्टर र सामान आवश्यक कारबाहीको लागि राजस्व अनुसन्धान कार्यालय इटहरीमा बुझाइएको प्रहरीको भनाइ छ ।
