काठमाडौं । तनहुँको आबुखैरनी गाउँपालिकाअन्तर्गतको पृथ्वी राजमार्गमा पहिरो जाँदा बाटो अवरुद्ध भएको छ ।आबुखैरेनी -४ ड्यामसाइडस्थित पृथ्विराजमार्ग सडक अविरल वर्षाका कारण भासिएको छ।
गए रातिदेखि परेको अविरल वर्षाका कारण सडकको भाग भासिएको हो । सडकको भाग तलबाट भासिएकाले बेलिब्रिज नराखेसम्म सवारी आवतजावतमा सम्भव नदेखिएको तनहुँका प्रहरी नायब उपरीक्षक युवराज खड्काले जानकारी दिए ।
सडक भासिदा दुई तर्फी सवारी आगमन बन्द भएको छ ।सडक मर्मत गर्न समय लाग्ने भएको कारण उक्त रुट भएर सञ्चालन हुने सवारी साधनहरूले वैकल्पिक बाटो प्रयोग गर्न जिल्ला प्रहरी कार्यालय तनहुँले अनुरोध गरेको छ।
