पाल्पा । पाल्पा जिल्लाको तानसेन नगरपालिका– ५ गाईखर्कमा युवतीलाई जबरजस्ती करणीको प्रयास गर्ने एक पुरुषलाई पक्राउ गरेको छ । पक्राउ पर्नेमा तानसेन नगरपालिका–१२ चण्डिभञ्याङ बस्ने २६ वर्षिय राजु विक रहेको जिल्ला प्रहरी कार्यालय पाल्पाले बताएको छ ।
पक्राउ पर्ने बिकले बिहीबार बिहान तानसेन नगरपालिका वडा नं. ५ स्थित गाईखर्कमा १८ वर्षीया महिलालाई जबरजस्ती करणीको प्रयास गरेका थिए ।
जिल्ला प्रहरी कार्यालय पाल्पाका प्रहरी नायव उपरीक्षक वीरेन्द्र थापाका अनुसार बिहानको समयमा जबरजस्ती करणीको प्रयास गरेपछि महिलाले स्थानीयमार्फत प्रहरीलाई जानकारी दिएपछि प्रहरीले सोही आधारमा पक्राउ गरी थप अनुसन्धान कार्य जारी रहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले यस अनलाईनलाई जानकारी दिनुभयाे ।
