महेश सिंह
सिरहा । सप्तरीको सुरुङ्गा नगरपालिकामा नव-निर्वाचित जनप्रतिनिधिहरुसंग सवल नेपाल सप्तरी शाखाले परियोजना समन्वय तथा परिचयात्मक कार्यक्रम सम्पन्न गरिएको छ् । सप्तरी जिल्लामा सवल नेपालका समुन्नति कार्यक्रम निकै प्रभावकारी बन्दै गएका छन् । सवल नेपालले सप्तरी जिल्लामा बिगत लामो समय देखि शिक्षा, स्वास्थ्य तथा कृषि क्षेत्रमा काम गर्दै आएका छन्।
गरिब दलित र पिछडिएका सामुदायका हकअधिकारको विषयमा जागरुक र पैरवी गर्ने काम समेत गर्दै आएका छन् । जनप्रतिनिधिहरुसंग सवल नेपाल सप्तरी शाखाले परियोजना समन्वय तथा परिचयात्मक कार्यक्रम बृहत रूपमा सम्पन्न गरिएका छन्।
कार्यक्रममा बोल्दै सप्तरी जिल्लाका सुरुङ्गा नगरपालिका मेयर गिता चौधरीले भने सप्तरी जिल्लामा सवल नेपालले समृद्ध समाज निर्माणमा अहम भुमिका खेल्दै छन् । सेभद चिल्ड्रेन र सवल नेपालले जिल्लामा बालिका देखि लिएर समय परिस्थिति र आवश्यकता अनुसारको परिपुर्तिको लागी समाजलाई सचेत पार्दै पैरवी गर्ने काम समेत गर्ने गरेको बताए ।
कार्यक्रममा सबल नेपालका शिक्षाका फिल्ड अधिकृत राधेश्याम रामले कार्यक्रम संचालन गरेको थियोे भने सवल नेपालका अधिकांश कर्मचारीहरुको उपस्थिति रहेका थिए। साथै नव-निर्वाचित जनप्रतिनिधिहरुलाई गमछा र अबिरको टिका एवं मायाको चिनोले स्वागत तथा सम्मान गरेका आयोजकले जानाए।
