काठमाडौं, जेठ ३० । सरकारले असार १ गतेदेखि बिदा र कार्यालय समय पुरानै कायम गर्ने भएको छ । गृह मन्त्रालयले सोमबार सूचना जारी गर्दै जेठ १ गतेदेखि लागू भएको हप्तामा दुई दिन बिदा दिने निर्णय र कार्यालय समय खारेज गरेको जनाएको हो ।
जेठ २३ गते बसेको मन्त्रिपरिषदको निर्णय अनुसार असार १ गतेदेखि बिदा र कार्यालय समय पुरानै कायम रहने छ । सरकारी कार्यालयमा असार १ देखि कात्तिक १५ गतेसम्म तथा माघ १६ गतेदेखि चैत्र मसान्तसम्म कार्यालय समय बिहान १० बजेदेखि अपरान्ह ५ बजेसम्म हुनेछ ।
यस्तै कात्तिक १६ गतेदेखि माघ १५ गतेसम्म कार्यालय समय बिहान १० बजेदेखि अपरान्ह ४ बजेसम्म हुने छ । शुक्रबारको दिन बिहान १० देखि अपरान्ह ३ बजेसम्म कार्यालय संचालन हुने गृहले जनाएको छ ।
