बुटवल, जेठ ३१ । लुम्बिनी प्रदेशको स्वास्थ्य, जनसंख्या तथा परिवार कल्याण राज्यमन्त्री विमला वलीले महिलामाथि हातपात गरेको भन्दै प्रहरीले नियन्त्रणमा लिएको छ ।
मन्त्री वलीले तुलसीपुर उपमहानगरपालिका – ५ बसपार्कस्थित एकराज बस्नेतको घरमा पुगेर उनको श्रीमती र छोरीलाई हातपात गरेको स्थानीयले जनाएका छन् । हातपात गरेको खबर पाएपछि स्थानीयले बस्नेतको घरमा उनलाई थुनेर राखेका थिए । मन्त्री वलीलाई अहिले तुलसीपुर प्रहरीले नियन्त्रणमा लिएको जिल्ला प्रहरी कार्यालय दाङका एसपी सुरेश काफ्लेले जानकारी दिए ।
उनी व्यक्तिगत कामका लागि आज बिहान ८ बजेतिर लु.१ झ ५३७ नम्बरको सरकारी गाडी चढेर त्यहाँ पुगेकी थिइन् । मन्त्री वलीले के कारणले हातपात गरेको त्यो भने खुल्न बाँकी नै रहेको प्रहरीले जनाएको छ ।
