चितवन, असार २ । चितवनमा सामुदायिक वनमा निउरो टिप्न गएकी एक युवती बाघको आक्रमणमा परी बेपत्ता भएकी छिन् । बिहीबार बिहान ७ बजेतिर भरतपुर महानगरपालिका–२७ स्थित राधाकृष्ण मध्यवर्ती सामुदायिक वनमा निउरो टिप्न जाँदा सोही वडाका २३ वर्षीय रेखा बस्नेतलाई बाघले आक्रमण गरेको जिल्ला प्रहरी कार्यालय चितवनले जानकारी दिएको छ ।
बस्नेतसहित करिब १० जनाको समूह निउरो टिप्न गएकोमा बस्नेतलाई बाघले आक्रमण गरेर जंगलतर्फ लगेको हो । उनको अवस्था अहिलेसम्म अज्ञात रहेको चितवन प्रहरीका प्रवक्ता रविन विष्टले जानकारी दिए । बाघको खोजिका लागि ईलाका प्रहरी कार्यालय दिब्यनगर, ईप्रका फुलवारी र खडगदल गण मेघौलीबाट नेपाली सेनाको टोली खटाइएको छ ।
खोजतलासको लागि जंगलभित्र जान हात्ती पनि मगाइएको प्रवक्ता विष्टले जानकारी दिए ।
