सुरेश यादव
नवलपरासी, असार ३ । पश्चिम नवलपरासीको सरावल गाउँपालिका वडा नं ६ बुडन्तवापुर नाकाबाट आज बिहान करिव ६ बजेकाे समयमा एक भारतीय ट्याक्टर ट्रालीसहित काेईला महेशपुर भन्सार कार्यालयबाट खटिएको टाेलीले पक्राउ गरेकाे छ ।
उक्त ट्याक्टरमा काेईला लाेड गरि बुडन्तवापुर नाका हुदै भारतबाट नेपालतर्फ ल्याउदै गर्दा महेशपुर भन्सार कार्यालयकाे टाेलीले त्रिवेणी तर्फ लैजादै गर्दा नियन्त्रणमा लिएकाे महेशपुर भन्सार कार्यालयले जनाएको छ ।काेईला लाेड गरिएको भारतीय नम्बरको ट्याक्टर चालक भन्सारको टाेलीलाई देखेपछि फरार भएकाे भन्सार श्राेतले जानकारी दिएकाे छ ।
उक्त ट्याक्टरकाे नम्बर भने नखुलेकाे र नेपाल प्रहरी एवम् सशस्त्र प्रहरीको मिलाेमतमा भारतबाट नेपाल भिट्र्याएकाे बताईएकाे छ । सो ट्याक्टरलाई आवश्यक कार्वाहीकाे लागि महेशपुर भन्सार कार्यालयमा राखिएको छ ।
