महेश सिंह
सिरहा । सिरहाको धनगढीमाई नगरपालिका वडा नम्बर १२ मा बहु क्षेत्रीय पोषण योजनाको दोश्रो नयाँ कार्य समिति गठन भएको छ । संघीय मामिला तथा प्रशासन मन्त्रालयको आयोजनामा कार्यक्रम पोषण योजनाको धनगढी १२ मा नयाँ कार्य समिति गठन भएको हो ।
गर्भ भित्र रहेको बच्चाहरुलाई कुपोषणबाट जोगाउन मन्त्रालयले धनगढीमाई – १२ मा पोषण कार्यक्रम संचालन गरेको छ । सम्बन्धित वडाका वडा अध्यक्ष जय ठाकुरको अध्यक्षतामा कार्यक्रम सुरु भएको थियोे भने अतिथिहरुमा स्वास्थ्य शाखा प्रमुख सुरैत चौधरी, तुसडाे माविका प्र.अ. बलराम भक्त श्रेष्ठ, स्वास्थ्य चौधरीका स्वास्थ्य इन्चार्ज अमर सिंह चौधरी, पोषण नगर स्वयंसेवक प्रभा श्रेष्ठ तुसडाे माविका शिक्षक रमेश श्रेष्ठ रहेका थिए ।
नयाँ कार्य समितिमा वडा अध्यक्ष जय प्रकाश ठाकुर, सदस्यहरुमा दलित महिला सदस्य मासिनी सदाय, खुला महिला सदस्य गोमा तिमिल्सिना, स्वास्थ्य इन्चार्ज अमर सिंह चौधरी, बिद्यालय ब्यवस्थापन समितिबाट बिमला कुमारी महतो, शिक्षिका पुष्पा गिरी संस्थाका प्रतिनिधि सोभा बराल, वडा सचिब सदस्य सचिब राम उदगार यादव, स्वयंसेवीका सम्झना श्रेष्ठ लगायतका चयन भएको आयोजकले बताए ।
