महेश सिंह
सिरहा लहान ७ असार । सिरहाको लहान ३ स्थित बिगत ७ महिना अगाडि संचालनमा आएको माँ धमिनी हस्पिटल प्रा.लि.उपचारको क्षेत्रमा निकै चर्चामा आएको छ । बिरामीहरुलाई सहुलियत दरमा उपचार समेत गर्ने गरेका छन् । सिरहामा रगतको अभाव भए संगै बृहत रक्तदान कार्यक्रमको आयोजना गरेको हो।
अस्पताल संचालक ओम सिंह र कृष्णा सिंहले स्वास्थ क्षेत्रबाट निसहाय र गरिब दलितहरुले पनि स्वास्थ सेवा सहज रूपमा सेवा लिन पाउन भने उदेश्यले अस्पताल संचालन गरेको बताए । बिगतको बर्षहरुमा संचालक ओम सिंहले विभिन्न मठ मन्दिरहरुमा आर्थिक सहयोग गरेका थिए। उनले रेडक्रसको लहान शाखामा रगतको अभाव भएको थाहा पाए लगत्तै रक्तदान कार्यक्रमको आयोजना गरेको बताए । आयोजक संस्था माँ धमिनी हस्पिटललाई लहानका विभिन्न संघसंस्था र विद्यार्थीहरुलाई रगत सहयोग गरेका थिए।
लहान ३ स्थित रहेको टाईम्स एजुकेशनल ईन्स्टिच्युका विद्यार्थीहरुले पनि रक्तदान गरेका थिए । कार्यक्रममा करिब १०० सय जना विद्यार्थीहरुले रक्तदान गरेका थिए।
हस्पिटल संचालक ओम सिंह सामाजिक कार्य र व्यावसायिक रुपमा परिचित हुनुहुन्छ । वहाँले आउदो प्रतिनिधि सभाको निर्वाचनमा स्वतन्त्रबाट सिरहा क्षेत्र नम्बर १ बाट उम्मेदवारी दिने निर्णय गरेका छन ।
