अभिजित दास
धनुषा । मधेश प्रदेशको धनुषा जिल्लामा दाइजो प्रथाको अन्त्यका लागि एक प्रेम जोडीले बिना दाइजो उदाहरणीय प्रेम बिबाह गरेका छन ।
तराईको अधिकांश जिल्लामा बिना दाइजो बिबाह गरिदैन । तर, मधेश प्रदेशको धनुषा जिल्लास्थित क्षिरेश्वरनाथ नगरपालिका – १० हारसर गाउँका २१ बर्षीय अरबिन्द्र दास र सोही गाउँका २० बर्षीय रंजिता दासले दाइजो बिना प्रेम बिबाह गरेका हुन् ।
उक्त बिबाहले अहिले तराईका अधिकांश जिल्लामा सर्बत्र चर्चाको बिषय बनेको छ । तराईका अधिकांश जिल्लामा दाइजो लिएर बिबाह गर्ने विरुद्ध चुनौती दिँदै, दाइजो प्रथाको अन्त्यका लागि प्रेम बिबाह गरेका नव दम्पती जोडीले बताए । उनीहरुको प्रेम दुबै घरपरिवारले स्विकार गरि क्षिरेश्वरनाथ मन्दिरमा गएर बिबाह गरिदिएका हुन् ।
नेपालको कानुनले दाइजो लिएर बिबाह गर्ने र बिबाह गरिदिने दुबै पक्षलाई अपराध मानिन्छ । तर यी जोडीको बिबाहलाई तराईका अधिकांश जिल्लामा सर्बत्र उदाहरणीय रुपमा लिईएको छ ।
