रामजी प्रजापति
नवलपरासी, असार १६ । पश्चिम नवलपरासीको रामग्राम – ४ देखि रामग्राम – १० सम्म बनेको बाटो एक वर्ष नबित्दै धेरै ठाउँमा बिच बाटो खाल्डा भएर भासिएको छ ।
गएको वर्ष बाटो निर्माण कार्य हुदा उक्त बाटोको खोला रामखण्डामा बनाईएको पुल संचालनमा आउने बित्तिकै बाटोको अवस्था बिग्रेर दुर्घटनाको जोखिम बनिसकेको अवस्था भैसकेको छ। मन्झरिया, लक्ष्मीपुर, जितपुर लगायतका किसानहरुको खेतीपाती उक्त स्थानमा पर्दा खेतबाट आउदा दुर्घटना हुन सक्ने सम्भावना किसानहरुले गुनासो पोखेका छन। पुल निर्माण हुनेबित्तिकै बाटोको निर्माणकार्य नगरपालिकाद्वारा गरिएको हो ।
तर, बनिरहेको बाटोको किनारामा पानी जमेर किसानको अन्न बालि नस्ट हुने हुदा उक्त ठाउँमा पानी निकासको लागि दुईटा बम्बु एक (१) मिटरको दुरिमा ईन्जिनियरले राखेको हुनाले खालि भएको बीच बाटोमा माटोलाई पानीले बगाउँदा त्यो ठाउँमा दुर्घटना हुने सम्भावना बढेको छ।
धेरै रातिसम्म चल्ने त्यो बाटो भयर रोजगारी गर्ने विभिन्न हाकिम, लेबर, मिस्री तथा किसानहरू आउने जाने गर्छन् । रातिको ११ बजेसम्म चल्ने उक्त बाटोमा हिडेर लडेर हात खुट्टा भाँचिने जस्ता अवस्था बीच बाटोमा भएको स्थानीयले जानकारी गराएका छन र छिटो भन्दा छिटो यो घटना स्थान भएको समस्याको समाधान भएन भने नगरपालिकाले यसको जवाफदेही हुन पर्छ ।
