वीरगंज, २७ असार । नेपाल र भारतको सीमाबाट हुने अवैध कृयाकलाप लगायत प्रहरी सरुवा लगायतको कामलाई मिलाई दिने भन्दै प्रहरीको नाममा पत्रकारले नै रकम उठाउने गरेको रहस्य उजागर भएको छ । जिल्ला प्रहरी कार्यालय पर्सा अन्तर्गत क्राइम शाखा लगायत प्रदेश प्रहरी कार्यालयको नाममा समेत अवैध तरिकाले कार्य गर्ने गिरोह संग रकम असुली धन्दा पत्रकारकै माध्यमले हुने गरेको पाइएको हो ।
नेपाल र भारतको सीमाबाट तस्करी गर्ने गिरोह संग सहकार्य गर्दै पत्रकारले नै प्रहरीको नाममा रकम असुल गर्ने गरेको एक तस्करी गर्ने गिरोहकै मुख्य नाइकेको मोबाइल रेकर्डबाट प्रमाणित भएको छ । नेपाल प्रहरी र तस्कर गिरोहको सेन्डिकेट मिलाउन पत्रकारकै सहयोग र संरक्षण हुने गरेको अडियो रेकर्डबाट प्रमाणित भएको हो । तस्करी गर्ने गिरोह र नेपाल प्रहरीको सेन्डिकेट मिलाउन बिचौलीया पत्रकारकै प्रयोग हुने गरेको पाइएको हो ।
वीरगंजको श्रीसिया नाका हुदै हरिन्द्र नामक तस्कर समुहका मुख्य नाइके संग सहकार्य गरी प्रति दिन करोडौको मालसमान प्रहरीकै सहयोग र संरक्षणमा अवैध तरिकाले आयात हुने गरेको छ । हरिन्द्र नामक तस्कर समुहले एक जना पत्रकारकै पार्टनरसिपमा कारोवार गर्दै आएको समेत एक तस्कर श्रोतले जनाएको छ । अवैध कारोवारमा पत्रकारकै पार्टनरसिप भए पश्चात निर्वाध रुपले प्रति दिन करोडौको तस्करीको मालसमान अवैध तरिकाले आयात गर्न सफल भएको बताइएको हो ।
प्रहरी र तस्कर समुह बिच सहकार्य गर्दै आएका पत्रकारले जिल्ला प्रहरी कार्यालय पर्साको नाममा मात्र नभई, प्रदेश प्रहरी लगायत नेपाल प्रहरी संगठनका प्रमुखको नाममा समेत रकम भजाउदै आएको खुल्नमा आएको छ । स—साना तस्कर समुहले माथिल्लो निकायसम्म रकम दिन नसक्दा, ठुला वडा तस्कर समुह संग संगठनको प्रमुखको समेत नाम भजाउदै रकम असुल हुने गरेको बताइन्छ । रकम उठाउनको निम्ति जिल्ला प्रहरी कार्यालय पर्सामा कार्यरत प्रहरी कर्मचारीहरुको समेत सहयोग रहेको बताइन्छ ।
माइस्थान नजिकै रहेको पत्रकारको निजि निवासमा जिल्ला प्रहरी कार्यालय पर्सामा कार्यरत रहेका प्रहरी कर्मचारी पुगेर तस्कर र प्रहरी बिच सहकार्य गर्दै आएको खुलेको छ । प्रति दिन साझको समयमा तस्कर समुहका मुख्य नाइकेलाई पत्रकारले निजि निवासमै बोलाई प्रहरी र तस्कर समुहको साटघाट गर्ने गरेको तस्कर श्रोतले नै बताएका हुन । उनका अनुसार केही दिन अगाडी तस्कर समुहका एक जना नाइके र नेपाल प्रहरी तथा सशस्त्र प्रहरीको दुई जना प्रहरीको रोहबरमा तस्करी गराउन रकम लेनदेन समेत भएको खुलेको छ ।
तर, सशस्त्र प्रहरीको नामले उठाइएको रकम बारे डिआईजी गणेश ठाडा मगरलाई समाचार प्राप्त हुना साथ ति दुई प्रहरीलाई कारवाही समेत अगाडी बढाइएको खुलेको छ ।
