इन्द्रजित नेपाली
गुल्मी, असार २७ । गुल्मीमा जीप दुर्घटना हुँदा ६ जना घाइते भएका छन् । तम्घासदेखि इस्मा गाउँपालिकातर्फ जादै गरेको ग १ ज ५८८९ नम्बरको जीप सोमबार साझ रेसुङ्गा नगरपालिका – ४ मसिनापोखरी नजिकै दुर्घटनामा परेको जिल्ला प्रहरी कार्यालय गुल्मीका प्रहरी उपरीक्षक एसपी भीमबहादुर दाहालले बताए ।
दुर्घटनामा घाइते ६ जना मध्ये २ जनाको अवस्था गम्भीर रहेको जिल्ला प्रहरी कार्यालय गुल्मीले जनाएको छ । दुर्घटनामा परेर इस्मा गाउँपालिका –४ निवासी ५८ वर्षीय लेकबहादुर पल्ली, ५९ वर्षीय रुद्रबहादुर पल्ली, ५९ वर्षीय नर्मती घिमिरे, ६८ वर्षीय ज्ञानबहादुर बस्नेत, ५६ वर्षीय रिकबहादुर दर्लामी र वर्ष ५८ का केशबहादुर पल्ली घाइते भएका छन् ।
घाइते मध्ये नर्मती र केशबहादुरलाई थप उपचारको लागि पाल्पा पठाइएको छ । अन्य घाइतेहरुको गुल्मी अस्पतालमा उपचार भइरहेको प्रहरीले जनाएको छ । चालक ईस्मा दोहोली – ४ बस्ने वर्ष २३ का मोहोन कुवर रहेका छन् ।
