काठमाडौं, असार २९ । नेपाल भ्रमणमा रहेका चिनियाँ कम्युनिस्ट पार्टी (सीपीसी)का विदेश विभाग प्रमुख लिउ जियन्चाओले राष्ट्रपति विद्यादेवी भण्डारीसँग भेटवार्ता गरेका छन् ।

लिउ नेतृत्वको प्रतिनिधिमण्डल राष्ट्रपतिसित शिष्टाचार भेट गर्न बुधबार बिहान राष्ट्रपति भवन शीतलनिवास पुगेका हुन् । उनले यसअघि प्रधानमन्त्री शेरबहादुर देउवा, नेकपा एमालेका अध्यक्ष केपी शर्मा ओली, माओवादी केन्द्रका अध्यक्ष पुष्पकमल दाहाल प्रचण्डलगायतका शीर्ष नेताहरुसँग भेटवार्ता गरेका थिए ।

लिउ नेतृत्वको टोली गत आइतबार काठमाडौं आएका थिए । उनीहरु आजै स्वदेश फर्किने कार्यतालिका रहेको छ ।