रामजी प्रजापति
नवलपरासी, साउन १ । पश्चिम नवलपरासीको पिपरहवा प्रहरी चौकीमा कार्यरत घुमुवा अमरेश यादव तस्करीहरुसंग अबैध पैसा असुली धन्दामा तत्लिन छन । असुल्ने बानी बसेका यादवले गर्दा सिंङ्गो नेपाल प्रहरीको बदनाम भएको छ ।
श्रोतका अनुसार बिगत ३ बर्षदेखी यादव नेपाल भारत बिचको सिमानामा डिउटी पारेर तस्करहरुसंग लाईन मिलाएर महिनावारी असुल धन्दा चलाई रहेका छन । उनी पहिला गेर्मा, बर्दघाट, भुजहवा बसेर घुमुवाको नाममा असुल्ने गर्थे भने अहिले पिपरहवा चौकीबाट घुमुवाको रुपमा परिचालित छन ।
पिपरहवा चौकीमा घुमुवाको रुपमा रहेका यादव सिविलमा तस्करी हुने ठाउँमा मुख कपडाले ढाँकेर तस्करहरुसंग पैसा उठाउने गर्छन । उनले कतिपय तस्करहरुको सामानसमेत स्कटिङ गरेर आफ्नो एरियाबाट पास गराउने समेत गर्ने गरेको श्रोतको भनाई छ । यादवद्वारा आम जनता, किसानहरुलाई समेत दुख दिएको स्थानीयले बताएका छन । आफ्नो घर दैलो चलाउनका लागि घरायसी सामान ल्याउदा पनि तर्साउने, धम्काउनेदेखि लिएर अनेक कार्यविधी गरेर पैसा असुल्ने गरेको बताए ।
नेपालमा मलको अभावले गर्दा किसान मर्कामा पर्दा भारतबाट एक बोरा मल लिएर आउदा उक्त किसानहरुबाट ५०/१०० रुपियाँ समेत असुली गरेको किसानहरु बताउछन । घुमुवा यादव महेसपुर नदिको छेउमा बस्ने र असुल्ने गर्छन भने, गेर्मी साईडबाट तस्करहरुसंग महिनावारी लिएर टायल, हार्डवेर, माछा, भैंसी, चिनि र कुखुराको खुल्लेयाम तस्कर गराउछन ।
