तिलु खोँजेली मगर
नवलपुर । गण्डकी प्रदेश नवलपुर जिल्लास्थित बुलिङटार गाउँपालिका वडा न : ५ राइकोटका किसानहरु पहिलेको तुलनामा यो बर्ष सुन्तला अधिक मात्र फलेकोले निकै हर्षित छन ।
बुलिङटार गाउँपालिकाका अधिकांश भुभागहरु सुन्तला खेतीको लागी निकै योग्य रहेका छन् । त्यस मध्यको राईकोट गाऊँ पनि एक सुन्तला खेतीको लागी योग्य भएको ठाऊँ हो । यहाँका किसानहरुका मुख्य आयस्रोत नै त्यही सुन्तला खेती हो। सुन्तला खेतीबाट यहाँका किसानहरुले मनग्यरुपमा आम्दानी लिने गरिन्छ भने, कहिले काँही लाखौंको घाटा पनि बेहोर्नु पर्ने हुन्छ।
एक जना किसनले भन्नुभयो, कहिले सुन्तलाको फल लाग्ने समयमा हावाहुरी आएर फल बस्न दिँदैन त कहिले फल वा सुन्तला प्रशस्त मात्रमा फले पनि राम्रो भाउ नपाउने र बजार ब्यवस्थापनको अभावको कारण पनि हामीले लाखौँको घात बेहोर्न परिरहेका जुन्छौ । हामीले आफ्नो घरखर्च चलाउन, बालबच्चा पढाउनको लागी आवश्यक पर्ने रकम सुन्तला खेती बाटै जोगाड गर्नुपर्ने हुन्छ।
हरेक बर्ष सरकारले किसानहरुको नाममा बिभिन्न खालका अनुदानका कार्यक्रमहरु ल्याए पनि त्यो त्यत्ति प्रभाबकारी नरहेर झारो ताल्ने बाटो मात्र भएको छ। यसपालि पनि सुन्तला त प्रशस्त मात्रमा फलेको छ। तर हामीले सोचे अनुसारको मुल्य नपाउने हो की भन्ने कुरामा हामी यहाँका किसानहरु निकै चिन्तित छौ।
