नवलपुर, साउन ५ । पूर्वी नवलपरासी (बर्दघाट-सुस्ता) को कावासोतीमा बस दुर्घटना हुँदा ११ जना घाइते भएका छन् । डण्डाबाट नारायणगढतर्फ आउँदै गरेको ना ७ ख ५५६३ नम्बरको बस अनियन्त्रित भई सडकको बायाँतर्फ पल्टिएको हो ।
दुर्घटनामा परेर चितवनका ४१ बर्षीय मन्दिरा ढुङगाना,२२ बर्षिय ज्योती ढुङगाना, नवलपुर देवचुली ३ क ३१ बर्षीय झरना पराजुली, ४ बर्षीय बालक संयोग भट्टराई, चितवन भरतपुर २० की सविता कुमाल घाइते भएको नवलपुर प्रहरीले जनाएको छ ।
यस्तै गैडाकोट १ की अस्मिता रानाभाट, ३ बर्षीया बालिका काव्या भण्डारी, कावासोती १६ का ४० बर्षीया मिरा केसी, ११ बर्षिया नविना केसी, कावासोती ८ का ८२ बर्षीय नारायणदत्त पौडेल र देवचुली १७ का ८० बर्षीया महिला प्रेमकुमारी पाण्डे घाइते भएकी छन् ।
घाइतेहरुको मध्यविन्दु अस्पतालमा उपचार भइरहेको छ । बसका चालक फरार रहेको र उनको खोजिकार्य भइरहेको नवलपुर प्रहरीले जनाएको छ ।
