काठमाडौं । नेपाली कांग्रेसनिकट पत्रकारको संगठन नेपाल प्रेस युनियनको नयाँ नेतृत्वका लागि भएको निर्वाचन अन्तर्गत मतगणना जारी छ ।
९७३ मत गनिसक्दा अध्यक्षमा संस्थापनइतरका शिव लम्सालले अग्रता कायमै राखेका छन् । लम्सालले ५२४ मत ल्याउँदा प्रतिद्वन्द्वी संस्थापन पक्षकी अनिता विन्दुले ४२६ मत ल्याएर पछ्याइरहेकी छन् ।
जम्मा १३९७ मत खसेको थियो । अब ४२४ मत गन्न बाँकी छ । वरिष्ठ उपाध्यक्षमा प्रेम केसीको ४८० र सरोज अधिकारीको ४७१ मत छ । महासचिवमा दीलिप पौडेलले ६४२ मत ल्याउँदा जगन्नाथ दुलालको ३०० मत आएको छ । त्यस्तै महिला उपाध्यक्षमा सलोजा दाहालको ५२४ र कल्पना शर्माको ४१६ मत छ ।
