काठमाडौं । नेपालमा पछिल्लो २४ घण्टामा थप ३ सय ४७ जनामा कोरोना संक्रमण पुष्टि भएको छ । देशभर गरिएको २ हजार ३ सय ६० पिसिआर परिक्षणका क्रममा ३ सय ३ जना र १ हजार ५ सय २८ एन्टीजेन परिक्षणका क्रममा ४४ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार कोरोनाका कारण थप २ जनाको मृत्यु भएको छ । यससँगै कोरोनाका कारण ज्यान गुमाउनेको संख्या ११ हजार ९ सय ५६ जना पुगेको छ । त्यस्तै थप ९५ संक्रमित कोरोनामुक्त भएसँगै ९ लाख ६८ हजार ४ सय ८९ जना संक्रमणमुक्त भएका छन् । हाल नेपालमा ३ हजार १ सय ७७ सक्रिय संक्रमित आइशालेशनमा रहेको मन्त्रालयले जनाएको छ ।
