बीरगंज, ९ श्रावण । पर्सा जिल्लाको ग्रामीण मुख्य नाकाको रूपमा चिनिने भिस्वा नाका तस्करहरूको अखडामा परिणत भएपनि सम्बन्धित निकाय रकममा लिप्त भएका छन । जिल्लाको दोश्रो मुख्य नाकाको रूपमा चिनिने भिस्वा नाकाबाट दिनहुु करोडौको मालसामान अवैध तरिकाले आयात निर्यात भइरहेपनि स्थानीयदेखि जिल्लाका प्रहरीहरूसमेत रकममा लिप्त हुने गरेको पाइएको हो ।
स्थानीय प्रहरीको सहयोगमा ठुलाबडा तस्करका समुहहरूले आफ्नो अवैध तरिकाको कार्यलाइ निरन्तरता दिनको निम्ति प्रहरी प्रशासनलाइ ठुलो रकमको नजराना बुझाए पश्चात मुखदर्शक बन्न पुगेको स्थानीयहरूले नै बताएका छन । एक जना स्थानीयका अनुसार जिल्लाका सबै नामूद तस्कर भिस्वा नाकाकै प्रयोग गर्न थालिएको छ । बिगत केहि दिनदेखि भारतीय एसएसबिले उक्त नाकामा निगरानि बढाएको कारण बन्द रहेको तस्करीको लाइन पुन: सुचारू भएको उनले बताए । भारतीय एसएसबिले ग्रीन सिग्नल दिनासाथ नेपालतर्फका प्रहरीलाइ ठुलै रकम बाडफाड भएको उनको आरोप छ ।
स्थानीय प्रहरी चौकी भिस्वाका प्रमुख बरिष्ठ प्रहरी नायब निरीक्षक नरेश शाही र स्थानीय बोर्डर आउट पोस्ट बन्जारीका प्रमुख सशस्त्र प्रहरी निरीक्षक हरि सिंह बिस्ट सङ्ग ठुलाबडा तस्कर समुह भेटि, मोटो रकमको नजराना बुझाए पश्चात तस्करी पुन: सुचारू भएको बताइन्छ । प्रहरीकै निति निर्देशन अनुसार तस्करी लाइन सूचारू हुने गरेको र बन्द हुने गरेको स्थानीयले आरोप लगाए । उनले आफ्नो नाम गोप्य राख्ने सर्तमा प्रहरीकै सहयोग र संरक्षणमा तस्करीको लाइन सुचारू हुने गरेको यो घटनाले प्रमाणित गरेको बताए । सीमा नाकाबाट मालसमान तस्करी मात्र नभइ अवैध घरेलु मदिराको समेत तस्करी हुने गरेको उनले आरोप लगाए । स्थानीय प्रहरीको सहयोगमा संचालन भएको दर्जनौ मदिरा भठ्ठिबाट घरेलु मदिराको तस्करी हुने गरेको बताए ।
यता भिस्वा नाका लगायत सबै नाकाबाट तस्करीको लाइन बन्द रहेको दाबि गर्ने प्रहरी प्रमुखहरूको आदेशलाइ धज्जि उडाउदै तस्करीको लाइन सुचारू भएको छ । तस्करीको लाइन पुन: सुचारू भएको दुइदिन बिति सक्दा पनि प्रहरी प्रमुखहरूको मौनताले ठुलै प्रश्न चिन्ह खडा गरेको छ । तसर्थ : यस बिषयमा माथिल्लो निकायको ध्यान जान अति अवाश्यक देखिन्छ ।
