वीरगंज १० श्रावण । पर्साको ग्रामिण भेगमा पर्ने जानकी टोला नाका हुदै व्यापक रुपमा तस्करीको कार्य बढ्दै गएपनि सम्बन्धीत निकाय मुकदर्शक बनेका छन । प्रहरी चौकी जानकी टोलाका प्रमुख बरिष्ट प्रहरी नायब निरीक्षक रंजन सिंहको सहयोग र संरक्षणमा तस्करी कार्य बढ्दै गएपनि सम्बन्धीत नै मुकदर्शक बन्न पुगेको हो ।
प्रहरी संगठनमा आफ्नो पहुच राम्रै भएको र नेपाल प्रहरी संगठनका प्रमुख आईजीपि धिरज प्रताप सिंह संग समेत पहुच भएको बताउदै जानकी टोला नाकाबाट खुल्याम रुपमा तस्करी कार्यको लाइन दिइएको बताइन्छ । पटक पटक पर्सा जिल्लाबाट लखेटिएका बरिष्ठ प्रहरी नायब निरीक्षक सिंहले आफ्नो पावरको प्रयोग गर्दै पुनः पर्सा जिल्लामै आउने गरेको बताइन्छ । जिल्ला प्रहरी कार्यालय पर्सामा हाजिर भएको दुई हप्ता नबितिदै प्रहरी चौकी जानकी टोला जान सफल भएका रंजन सिंहले नामुद तस्करहरुलाई तस्करीको लाइन दिएको प्रहरी श्रोतले नै बताएका छन ।
प्रहरी चौकी जानकी टोला श्रोतका अनुसार पर्सा जिल्लाकै नामुद भैसी तस्कर महादेव भनिने तथा आफ्रोज, महेश नाम गरेको ठुला वडा तस्करीको लाइन दिइएको बताए । भारतबाट अवैध तरिकाले चौपाया, चल्ला, कपडा, हार्डवेयर लगायतको तस्करीको लाइन सुचारु भएको, उनले बताए । यति मात्र नभई उक्त नाका हुदै हुन्डी कारोवारलाई समेत तिब्रता दिएको बताए । वीरगंजको मुल सडकबाट काम गर्दै आएका हुन्डी कारोवारलाई समेत उक्त नाकाबाट काम गर्न सहज भएको श्रोतले जानकारी दिनुभयो । उनका अनुसार केही दिन अगाडी भारतको खमिया इनर्वा हुदै नेपालतर्फ लिएर आउदै गरेको करिब १५ लाख रुपैया बरामद गरेपनि सेटिङ मिलाएर छोडिएको आरोप लगाए ।
आफ्नो पहुच राम्रो भएको घमण्ड बताउदै जिल्लाका प्रमुखले समेत आफुलाई चलाउन नसक्ने दावी गर्दै हुन्डी कारोवार गर्ने सहित रकम छोडिएको श्रोतले दावी गरे । हुन्डी कारोवार गर्ने गिरोह जानकी टोला नाकामा सकृय रहेपनि बरिष्ट प्रहरी नायब निरीक्षक रंजन सिंहकै इशारामा काम गर्ने गरेको, उनले बताए ।
यता एक जना जिल्ला प्रहरी कार्यालय श्रोतका अनुसार प्रहरीहरुको यस्तै रवैयाका कारण राम्रो काम गरेर देखाउन नसकेको बताए । जिल्ला प्रहरी कार्यालय पर्सामा कार्यरत घुमुवा प्रहरीहरु मध्ये अधिकांश प्रहरीहरु पुरानो नै रहेका छन । जस कारण हुन्डी कारोवारदेखी ठुला वडा तस्कर लगायत स—साना तस्करहरुलाई समेत चिनिने गरेको र साटघाट हुने गरेको कारण काम गर्न असहज भएको श्रोतले बताए । प्रहरी संगठनमा राम्रो पहुच भएको फुर्ती देखाउदै कतिपय प्रहरीहरु करिब १० बर्षदेखी वीरगंजमा नै कार्यरत रहेको, उनले बताए । यस बिषयमा सम्बन्धीत निकायले समयमै ध्यान नपुरयाए प्रहरी संगठनको नीति निर्देशन र कार्य माथि नै प्रश्ण उठ्न बेर लाग्दैन ।
