नवलपरासी । केहि दिन पहिला सचिव वडामा नहुदा सोधपुछको क्रममा लगभग एक हप्ता देखि आफ्नो जग्गाको कामको सिलसिलामा घर गएको जानकारी आएपछि वडाका एक ब्यक्तिले फेसबुकमार्फत वडा बासीहरुलाई जानकारी गराउदा उक्त सचिव डिउटीमा आउदा उनको रवैया बदलेको देखिन्छ ।
तपाईको नाम ठेगाना लिष्टबाट हटाईदिन्छु र कहाँको हो भनेर चिनिन पनि छोड्छौ भनेर रामग्राम – ४ का सचिवले पोष्ट गरेर जानकारी गराउने ब्यक्तिको गार्जेनलाई भनेको जानकारी पनि त्यहाँ उपस्थित सेवाग्राहीले जानकारी दिएका छन । उनको यो दादागिरीको रवैया देखेर वडा बासी तथा सेवाग्राही वडामा काम गराउनलाई डर सिर्जना भएको बताउछन ।
असार मसान्तको समयमा धेरै जनालाई कर तिर्न हतार हुन्छ । तर रामग्राम- ४ का सचिव आफ्नै कामको लागि एक हप्ता जति अफिस नआउदा वडा बासीहरुलाई समयमा काम नहुदा समस्या परिरहेको वडा बासीहरुको गुनासो छ ।
सरकारी नियमले मसान्त भन्दा पहिला कर बुझाईयो भने कर लाग्दैन । नत्र बढि कर लाग्छ । त्यसको त्रासमा धेरै वडावासीहरु कर तिर्नको सिलसिलामा वडा कार्यलयमा जादा सचिव नहुदा मर्कामा परेका वडा बासीहरुको गुनासो छ ।
