बीरगंज १० श्रावण । पर्सा जिल्लाको ग्रामीण मुख्य नाकाको रूपमा चिनिने भिस्वा नाका तस्करहरूको अखडामा परिणत भएपनि सम्बन्धित निकाय रकममा लिप्त भएका छन । जिल्लाको दोश्रो मुख्य नाकाको रूपमा चिनिने भिस्वा नाकाबाट दिनहु करोडौको मालसामान अबैध तरिकाले आयात निर्यात भइरहेपनि स्थानीयदेखि जिल्लाका प्रहरीहरू समेत रकममा लिप्त हुने गरेको पाइएको हो ।
स्थानीय प्रहरीको सहयोगमा ठुला बडा तस्करका समुहहरूले आफ्नो अबैध तरिकाको कार्यलाइ निरन्तरता दिनको निम्ति प्रहरी प्रशासनलाइ ठुलो रकमको नजराना बुझाए पश्चात मुखदर्शक बन्न पुगेको स्थानीयहरूले नै बताएका छन । एक जना स्थानीयका अनुसार जिल्लाका सबै नामूद तस्कर भिस्वा नाकाकै प्रयोग गर्न थालिएको बताए । बिगत केहि दिनदेखि भारतीय एसएसबिले उक्त नाकामा निगरानि बढाएको कारण बन्द रहेको तस्करीको लाइन पुन: सुचारू भएको, उनले बताए । भारतीय एसएसबिले ग्रीन सिग्नल दिनासाथ नेपालतर्फका प्रहरीलाइ ठुलै रकम बाडफाड भएको उनले आरोप लगाए ।
प्रहरी चौकी भिस्वाको क्षेत्रबाट प्रहरीहरुकै सामुनेबाट खुल्लेयाम तस्करीहरु भईरहेको स्थानिय प्रत्यक्षदर्शीहरुले बताएका छन् । प्रहरी चौकीका ईन्चार्ज प्रहरी वरिष्ठ नायब निरिक्षक नरेश शाहीले तस्करहरु सँग महिनवारी लिएकै कारण निर्वाध रुपमा तस्करी भईरहेको स्थानियहरुले गुनासो गरेका छन् । प्रहरी चौकीका ईन्चार्जले महिनाको १ लाख देखि ५ लाख सम्म तस्करहरुबाट महिनवारी बुझदै आएको स्रोतको दाबी रहेको छ । रातीको करिब १० बजे देखि बिहान ४ बजे सम्म सो क्षेत्रबाट निर्वाध रुपमा तस्करी हुने गरेको समाचार स्रोतले जनाएको छ ।
सो क्षेत्रबाट तस्करीका साथ साथै अवैध लोकल मदिरा भठ्ठीहरु पनि सञ्चालन भईरहेको समाचार स्रोतले जनाएको छ । सो क्षेत्रमा करिब आधा दर्जन मदिराभठ्ठीहरुबाट पनि प्रहरी चौकीका ईन्चार्ज शाहीलाई महिनवारी आईरहेको सो चौकीमै कार्यरत्त एक प्रहरीले नाम उल्लेख नगर्ने शर्तमा बताएका छन् ।
यता भिस्वा नाका लगायत सबै नाकाबाट तस्करीको लाइन बन्द रहेको दाबि गर्ने प्रहरी प्रमुखहरूको आदेशलाइ धज्जि उडाउदै तस्करीको लाइन सुचारू भएको छ । तस्करीको लाइन पुन: सुचारू भएको दुइदिन बिति सक्दापनि प्रहरी प्रमुखहरूको मौनताले ठुलै प्रश्न चिन्ह खडा गरेको छ । तसर्थ : यस बिषयमा माथिल्लो निकायको ध्यान जान अति अवाश्यक देखिन्छ ।
