नवलपुर । प्र्याङ्क भिडियो बनाउने भन्दै महिलालाई अभद्र व्यवहार गरेको आरोपमा एक जना युट्युबर नवलपुर कावासोतीबाट पक्राउ परेका छन् ।
पक्राउ पर्नेमा नवलपरासी पुर्वका हुप्सेकोट गाउँपालिका – ३ बस्ने बर्ष २६ को प्रदिप भुसाल भनिने पूर्णचन्द्र भुसाल रहेको प्रहरीले जनाएको छ । उनले बदमास केटा नामक युट्युब च्यानल चलाएर बाटोमा हिँडिरहेकी महिलालाई ‘पैसा, मोबाइल, गरगहना नदिए एसिड हान्छु’ भन्ने बाटोमा बजारमा हिडेकी महिलालाई तर्साउने गरिन्थ्यो ।
उनलाई साइबर ब्यूरोको टोलीले नवलपरासी (बर्दघाट सुस्ता पूर्व) बाट पक्राउ गरेको एसपी पशुपतिकुमार रायले बताए । उनका अनुसार भुसालमाथि विद्युतीय कारोबार ऐन, २०६३ अनुसारको कसूरमा ७ दिन म्याद थप गरेर अनुसन्धान भइरहेको छ ।
