बैतडी, साउन १३ । बैतडीको डिलासैनी गाउँपालिका – ५ सेरामा बञ्चरो प्रहार गरी छोराले आफ्नै बाबुको हत्या गरेका छन् ।
शुक्रबार बिहान करिब ६ बजेतिर २१ वर्षीय लोकेन्द्र जोशीले आफ्नै बाबु अन्दाजी ६० वर्षीय परमानन्द जोशीको टाउकोमा बञ्चरो प्रहार गरी हत्या गरेका वडा नं ५ का वडा अध्यक्ष यज्ञ भट्टले जानकारी दिए । उनका अनुसार बिहान घरमै ठेकी सफा गरिरहेका परमानन्दलाई छोरा लोकेन्द्रले बञ्चरो प्रहार गरेका हुन् । बञ्चरो प्रहारबाट परमानन्दको घटनास्थलमै मृत्यु भएको हो ।
हत्या गर्ने लाकेन्द्र जोशीको मानसिक सन्तुलन ठिक नभएको बुझिएको छ । उनलाई नियन्त्रणमा लिएर अनुसन्धान थालिएको जिल्ला प्रहरी कार्यालय बैतडीका प्रहरी निरीक्षक लोकराज जोशीले जानकारी दिए ।
