अर्घाखाँची । प्युठानका एक युवक अर्घाखाँचीमा मृत अवस्थामा भेटिएका छन् । प्युठान गौमुखि गाउँपालिका – ४ पुजा निवासी कुशल के.सि मृत अवस्थामा फेला परेका हुन् । उनी डोजर चालक हुन् ।
प्यूठानबाट व्यवसायिक कामका शिलशिलामा अर्घाखाँची पुगेका के.सि ३ दिनदेखि परिवारको सम्पर्कमा थिएनन् । शवको प्रकृति हेर्दा हत्या भएको आशंका गरिएको छ । व्यवसायिक कामका लागि गएका उनी केहि ब्यक्तिहरुसँग रकम असुलीका क्रममा सामान्य विवाद भएको बुझिएको प्रहरीले बताएको छ ।
घटनास्थलको प्रकृति हेर्दा मृतकका आफन्तले सुनियोजित रुपमा हत्या गरिएको हुनसक्ने आशंका गरेका छन् । मृत अवस्थामा भेटिएको के.सि.को शवलाई पोष्टमार्टमपछि जिल्ला ल्याउने तयारी भइरहेको छ ।
घटनाबारे आवश्यक अनुसन्धान भइरहेको जिल्ला प्रहरी कार्यालय अर्घाखाँचीले जनाएको छ ।
