जुम्ला, साउन २३ । राष्ट्रिय प्रजातन्त्र पार्टी (राप्रपा)का नेता ज्ञानेन्द्र शाहीले आगामी संघीय निर्वाचनमा जुम्लाबाट चुनाव लड्ने घोषणा गरेका छन् । सोमबार राजधानीमा एक कार्यक्रमकाबिच शाहीले आफूले जुम्लाबाट चुनाव लड्ने निर्णय गरेको बताएका हुन् ।
उनले आफू जन्मको जिल्ला जुम्ला प्यारो लाग्ने भन्दै जिते पनि हारे पनि त्यहीबाट चुनाव लड्ने निर्णय लिएको जानकारी दिए । आफूलाई काठमाडौं क्षेत्र नम्बर १ र २ सहित चितवन, झापा तथा कैलालीबाट चुनाव लड्न प्रस्ताव आएपनि जुम्ला नै रोजेको उनको भनाइ छ । शाहीले जुम्लाले आफूलाई हराए पनि कुनै पश्चाताप नरहने बताए ।
कार्यक्रममा पूर्व अध्यक्ष प्रकाशचन्द्र लोहनी, नेता बुद्धिमान तामाङ लगायतका अन्य नेताहरुको सहभागिता रहेको थियो ।
